Freitag, 20. November 2015

DE GERMANIA SUPERIORE ET INFERIORE

Permulta aedificia pulchra a Romanis in provincia exstructa sunt. Extra muros civitatum magnae villae rusticae erant. Viae bonae ad omnes regiones ferebant. Ad vias saxa leugas indicantes erant. In fluviis bona in omnes partes ferebantur velut dolia vini plena.
Secundo saeculo p.Chr.n. praecipue civitates ad Rhenum sitae valde florebant. Inprimis vitra in Colonia facta praeclara erant. Utraque provincia quattuor legiones habebat. Primo saeculo legio I Bonnae atque legio XX Novaesii erant. Anno L p.Chr.n. Agrippina auctore oppidum Ubiorum Colonia facta est. Quo ex tempore 'Colonia Claudia Ara Agrippinensium' (CCAA) appellabatur. Aquaeductus maximus ab eis montibus, qui Germanice "Eifel" nominantur, aquam ad Coloniam apportabat. Haud procul a Bonna in montibus, qui lingua Germanica "Drachenfels" dicuntur (Latine "Saxum Draconis" significans),Romani saxa arcessiverunt. Complures pontes trans Rhenum erant, unus ab Colonia ad eum locum ducens, qui tum "Divitiae" atque hodie "Köln-Deutz" est. Constantius Imperator illum pontem faciendum curavit anno CCCX p.Chr.n. se praesente.
Finis ad Germaniam superiorem rivus erat, cui nostra aetate nomen "Vinxtbach" est, id est: rivus ad fines!
Caput Germaniae superioris Mogontiacum erat, ubi ab anno XCII legio XII Primigenia pia fidelis (PPF) stipendia merebatur. Ut transgressus Rheni munireretur, Romani in altera ripa fluvii castellum Mattiacorum erigebant, hodie nomine "Kastel" notum. Dehinc Domitianus Imperator, cum quinque legionibus, quattuor vexillationibus (ex Britannia!) auxilisque profectus est ad Chattos aggrediendos.
---

Keine Kommentare:

Kommentar veröffentlichen